1-желтоқсан күні мектеп Парламентінің ұйымдастыруымен бастауыш сыныптар арасында
"DANCE BATTLE" сайысы өткізілді. Биылғы "Балаларды жылына" орай, әрі бүлдіршіндерді
салауатты өмір салтына тәрбиелеу, өнерге баулу мақсатын көздеген би додасы өз мақсатына жетті.
Сайыста 2,3,4-сынып оқушылары топ болып, алдымен қазақтың ұлттық билерін шабыттана орындаса, артынан заманауи би үлгілерін көңілді орындап шықты. Жас бишілердің өнерін тамашалау кезінде олардың би өнеріне деген қызығушылығы мен құлшынысы анық байқалып тұрды. Шара соңында би орындау шеберлігімен ерекше көзге түскен 3-сынып оқушылары 1-орынға ие болды. Әділ қазылар алқасына, сонымен бірге оқушыларға би үйретіп, дайындаған өзін-өзі басқару ұйымының мүшелеріне алғыс білдірді.